Nur-Sultan Bilim basqarmasynyń basshysy Sholpan Qadyrova jańa oqý jylynda «kezekshi synyptar» qalai jasaqtalyp, oqytylatynyn túsindirdi, dep habarlaidy QazAqparat.
«1 qyrkúiekte jańa oqý jyly elordalyq mektep (1-11 synyptar) pen kolledjdiń bárinde sabaq qashyqtan oqytý formatynda bastalady. Bul rette qatań sanitarlyq sharalardy saqtai otyryp, bastaýysh synyptyń oqýshylary úshin «kezekshi synyptardyń» jumysy josparlanýda. Onyń qalai jumys isteitinin túsindire keteiin: Bastaýysh synyp oqýshylarynyń ata-analarynyń ótinishi negizinde sanitarlyq talaptardy saqtai otyryp, «kezekshi synyptar» ashylady. Oqý birneshe aýysymmen júzege asady. Synyptar kishi toptarǵa bólinedi. Ol toptarda oqýshy sany 10-15-ten aspaidy. Sabaqtar bir kabinette ótkizilip, úzilis ár túrli ýaqytta bolady. Sonymen qatar, sabaqtardyń bir bóligi qashyqtyqtan júrgiziledi», - dedi dedi Sholpan Qadyrova qala ákimdiginiń Feisbýktegi paraqshasynda ótken baspasóz máslihatynda.
Basqarma basshysynyń aitýyna qaraǵanda bul rette barlyq sanitarlyq talaptardy saqtaý – basty mindetterdiń biri. Sanitarlyq normalardy saqtaý úshin mektepter dezinfektsiialaý quraldarymen, sensor termometr, qorǵanys quralymen qamtamasyz etiledi.
Al dástúrli formattaǵy oqý jaǵdaiynda, iaǵni kezekshi synyptardyń jumysy úshin algoritm kelesidei bolady:
- ata - analar balalardy «kezekshi synyptarǵa» ákeledi, biraq ǵimaratqa kirmeidi.
- mekteptiń kireberisine dezinfektsiialyq kilemshe tóseledi;
- mektepke kirer kezde balanyń temperatýrasyn ólsheý;
- qoldy antisektikpen óńdeý jáne maskanyń bolýy mindetteledi;
- barlyq qabattarda jáne árbir «kezekshi synypta» sanitaizer ornatý;
- synypty jeldetý, kvartstaý jáne jýý kestesi;
- qyzyl syzyqpen belgilei otyryp, meditsinalyq kabinetterdiń janynda oqshaýlaý bólmesin ashý.
