Elordada Q.Qýanyshbaev atyndaǵy Memlekettik akademiialyq qazaq mýzykalyq drama teatrynda Jambyl Jabaev mýzeiiniń ekspozitsiiasy qoiyldy, dep habarlaidy QazAqparat.
Jańa teatr foiesinde uiymdastyrylǵan kórmede uly aqynnyń tutynǵan jeke zattary, syilanǵan syi-siiapattary men fotoestelikter qoiylǵan.
Jambyl Jabaev atyndaǵy mýzeidiń meńgerýshisi, aqynnyń tikelei urpaǵy, nemeresi Saltanat Jambylova mýzei tarihyn aityp berdi.
«Búgin elorda tórinde Jambyl atamyzǵa úlken qurmet kórsetilip otyr. Osy jiynǵa biz de qur alaqan kelmei, Jambyl atamyzdyń óz aýylyndaǵy mýzeiinen jádigerler ákeldik. Bul mýzei atamyz turǵan úide ashylǵan, 92 jasynda Úkimet atamyzǵa 12 bólmeli úi salyp bergen eken. Odan bolashaqta mýzei jasaý maqsaty bolǵan shyǵar. Atamyz ol úide 8 jyl turyp, 1945 jyly 22 maýsymda qaitys boldy. 1946 jyly atanyń júz jyldyǵy toilanǵanda, Úkimettiń sheshimimen úlken úi mýzei atandy. Biyl atamyzdyń 175 jyldyǵy bolsa, mýzeidiń qurylǵanyna 75 jyl tolyp otyr», - dedi Saltanat Jambylova.
Kórmede Jambyl Jabaevtyń kigen kiimderin, ustanǵan zattaryn, kózi tirisinde syilanǵan syilyqtary kópshilikke usynylyp otyr.
Aita keteiik, Qazaqstan Respýblikasynyń Memlekettik hatshysy, mereitoidyń memlekettik komissiiasynyń tóraǵasy Qyrymbek Kósherbaev elordadaǵy Jambyl eskertkishine gúl shoqtaryn qoiǵan edi.
Búgin elimizdegi jáne shet elderdegi qalalar men eldimekenderde Jambyl Jabaevtyń eskertkishteri men biýstterine gúl shoqtary qoiyldy, árqily mádeni sharalar ótkizildi.
