ەلوردادا ق.قۋانىشباەۆ اتىنداعى مەملەكەتتٸك اكادەمييالىق قازاق مۋزىكالىق دراما تەاترىندا جامبىل جاباەۆ مۋزەيٸنٸڭ ەكسپوزيتسيياسى قويىلدى, دەپ حابارلايدى قازاقپارات.
جاڭا تەاتر فويەسٸندە ۇيىمداستىرىلعان كٶرمەدە ۇلى اقىننىڭ تۇتىنعان جەكە زاتتارى, سىيلانعان سىي-سيياپاتتارى مەن فوتوەستەلٸكتەر قويىلعان.
جامبىل جاباەۆ اتىنداعى مۋزەيدٸڭ مەڭگەرۋشٸسٸ, اقىننىڭ تٸكەلەي ۇرپاعى, نەمەرەسٸ سالتانات جامبىلوۆا مۋزەي تاريحىن ايتىپ بەردٸ.
«بٷگٸن ەلوردا تٶرٸندە جامبىل اتامىزعا ٷلكەن قۇرمەت كٶرسەتٸلٸپ وتىر. وسى جيىنعا بٸز دە قۇر الاقان كەلمەي, جامبىل اتامىزدىڭ ٶز اۋىلىنداعى مۋزەيٸنەن جەدٸگەرلەر ەكەلدٸك. بۇل مۋزەي اتامىز تۇرعان ٷيدە اشىلعان, 92 جاسىندا ٷكٸمەت اتامىزعا 12 بٶلمەلٸ ٷي سالىپ بەرگەن ەكەن. ودان بولاشاقتا مۋزەي جاساۋ ماقساتى بولعان شىعار. اتامىز ول ٷيدە 8 جىل تۇرىپ, 1945 جىلى 22 ماۋسىمدا قايتىس بولدى. 1946 جىلى اتانىڭ جٷز جىلدىعى تويلانعاندا, ٷكٸمەتتٸڭ شەشٸمٸمەن ٷلكەن ٷي مۋزەي اتاندى. بيىل اتامىزدىڭ 175 جىلدىعى بولسا, مۋزەيدٸڭ قۇرىلعانىنا 75 جىل تولىپ وتىر», - دەدٸ سالتانات جامبىلوۆا.
كٶرمەدە جامبىل جاباەۆتىڭ كيگەن كيٸمدەرٸن, ۇستانعان زاتتارىن, كٶزٸ تٸرٸسٸندە سىيلانعان سىيلىقتارى كٶپشٸلٸككە ۇسىنىلىپ وتىر.
ايتا كەتەيٸك, قازاقستان رەسپۋبليكاسىنىڭ مەملەكەتتٸك حاتشىسى, مەرەيتويدىڭ مەملەكەتتٸك كوميسسيياسىنىڭ تٶراعاسى قىرىمبەك كٶشەرباەۆ ەلورداداعى جامبىل ەسكەرتكٸشٸنە گٷل شوقتارىن قويعان ەدٸ.
بٷگٸن ەلٸمٸزدەگٸ جەنە شەت ەلدەردەگٸ قالالار مەن ەلدٸمەكەندەردە جامبىل جاباەۆتىڭ ەسكەرتكٸشتەرٸ مەن بيۋستتەرٸنە گٷل شوقتارى قويىلدى, ەرقيلى مەدەني شارالار ٶتكٸزٸلدٸ.
