Nur-Sultanda ekpe alǵandar arasynda apta saiyn ótetin baǵaly syilyqtardyń utys oiyny jalǵasýda, dep habarlaidy "Ult aqparat" elorda ákimdiginiń saityna silteme jasap.
Taǵy bes iPhone12 jáne basqa da baǵaly syilyqtardyń besinshi utys oiyny 7 tamyzda (senbi) saǵat 17:00-de Nur-Sultan qalasy ákimdiginiń áleýmettik paraqshalarynda (Facebook, YouTube) tikelei efirde ótti. 5-shi utys oiynyna 28 shilde men 6 tamyz (qosa alǵanda) aralyǵynda ekpe alǵandar qatysty.
Bul utys oiyndaryna vaktsinatsiialaýdyń barlyq pýnktteri qatysady: meditsinalyq mekemeler, saýda oiyn-saýyq ortalyqtary men saýda úileri de. Utys oiynyna qatysý avtomatty túrde júzege asady, azamattarǵa qujattardy toltyryp, tirkelýdiń qajeti joq. Qala ákimdigi demeýshiler esebinen baǵaly syilyqtardyń utys oiyndaryn apta saiyn ótkizedi.
Osylaisha, besinshi utys oiynynyń jeńimpazdary: bes iPhone 12 - № 14674 – Nazgúl Tolqybekova, №1642 – Miras Nógerbekov, №10104 – Qýanysh Súleienov, №1055 – Aqmaral Qabsabyr, №10918 – Darhan Zýhýrnaev.
«Tehnodom» dúkeninen kir jýǵysh mashina jeńip aldy: №691 – Irina Matveeva.
«Tehnodom» dúkeninen tońazytqysh jeńip aldy: №6311 –Aian Qabenova.
Birge platformasynda utys oiynynyń jeńimpazdaryn anyqtaý úshin (https://birge-elorda.kz/nur-sultan) arnaiy randomaizer servisi ornatylǵan, ol vaktsinalanǵandardyń ID-in generatsiialaý arqyly júldegerlerdi tańdaidy. Ony ázirleýge IT-qaýymdastyq ta qatysty. Ekpe alǵandar boiynsha servis QR Densaýlyq saqtaý ministrliginiń aqparattyq júiesimen biriktirilgen.
Aita keteiik, elordada azamattardy vaktsinalaýǵa yntalandyrý maqsatynda baǵaly syilyqtar oinatylady.
Sonymen qatar, ekpe alǵandar arasynda 2 bólmeli páter oinatylady. Osy jyldyń 25 maýsymy men 31 tamyzy aralyǵynda vaktsinanyń 1-shi komponentin alǵan 18 jastan asqan qala turǵyndarynyń elordada jyljymaityn múlikti utyp alý múmkindigi bar. Bul utys oiynyna vaktsinatsiianyń barlyq pýnktteri qatysady: meditsinalyq mekemeler, saýda oiyn-saýyq ortalyqtary men saýda úileri. Aita ketý kerek, utys oiyndary demeýshilerdiń kómegimen ótkiziledi.
