Nur-Sultanda vaktsinalanǵandar arasynda baǵaly syilyqtar oinatyldy. 7-16 shilde aralyǵynda vaktsinalanǵan azamattar kezekti eki iPhone12 jáne basqa da qundy syilyqtardyń ekinshi utys oiynyna qatysty, dep habarlaidy qalalyq ákimdiktiń baspasóz qyzmeti.
Utys oiyny tikelei efirde 17 shilde kúni (senbi) saǵat 17:00-de Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda ótti.
Nátijesinde, Azamat Aqqoshqarov (№39137) jáne Sándigúl Igilikova (№13011) kezekti eki iPhone12 jeńimpazy atandy. Sol siiaqty «Sulpak» dúkeniniń tońazytqyshyn Nursulý Nurekeshova (№14964), «Sulpak» dúkeniniń teledidaryn Nina Savitskaia (№14080), «Sulpak» dúkeniniń mikrotolqyndy peshin Damir Nurjanov (№34262), «Mechta» dúkender jelisiniń Alisasy bar aqyldy kolonkasyn Rasýlbek Qýanyshbekov, «Mechta» dúkender jelisiniń ýltradybystyq ylǵaldandyrǵyshyn Dilia Dýiesinova (№41207), «Belyi Veter» dúkeniniń beinetirkegishin Azamat Júnisbekov (№25842) aldy.
IPhone12 jáne basqa da qundy syilyqtardyń utys oiynyn elorda ákimdigi apta saiyn jazdyń sońyna deiin ótkizedi. Esterińizge sala keteiik, iPhone12 jáne basqa da qundy syilyqtardyń alǵashqy utys oiyny 9 shilde kúni ótken. Avtomatty utys oiynyna vaktsinatsiia bastalǵan sátten bastap qalada 6 shildege deiin (qosa alǵanda) vaktsinatsiialanǵandar qatysty.
Birge platformasynda utys oiynynyń jeńimpazdaryn anyqtaý úshin arnaiy randomaizer servisi ornatylǵan. Ol vaktsinatsiialanǵandar arasynda ID nómiri arqyly júlde ielerin tańdaidy. Ony ázirleýge IT-qaýymdastyq ta qatysty. Aita ketý kerek, vaktsinatsiialanǵandar servisi QR Densaýlyq saqtaý ministrliginiń aqparattyq júiesimen biriktirilgen. Utys oiynyna vaktsina alǵandar avtomatty túrde qatysady. Oǵan qatysý úshin qujattar toltyryp, taǵy da vaktsinatsiiadan ótýdiń qajeti joq.
Aita keteiik, elordada azamattardy vaktsinatsiialaýǵa yntalandyrý úshin baǵaly syilyqtardyń utys oiyny ótýde. Olardyń arasynda eki bólmeli páter de bar. Osy jyldyń 25 maýsymy men 31 tamyzy aralyǵynda vaktsinanyń birinshi komponentin alǵan ári 18 jastan asqan qala turǵyndary elordada eki bólmeli páter utyp ala alady. Bul utys oiynyna vaktsinatsiianyń barlyq pýnkti qatysady: meditsinalyq mekemeler, SOO/SÚ.
Aita ketý kerek, utys oiyndary demeýshilerdiń kómegimen ótkiziledi.
Sondai-aq «MEGA Silk Way» SOO-daǵy vaktsinatsiia pýnktinde ekpeniń birinshi komponentin alǵandar arasynda avtomobil utysy ótedi.
Elordada ótkiziletin utys oiyndary azamattardy ekpe alýǵa yntalandyrý, osylaisha óz densaýlyǵyn da, jaqyn jáne ainalasyndaǵy adamdardyń densaýlyǵyn saqtaý úshin uiymdastyrylady. Sebebi, basty maqsat — ujymdyq immýnitetti damytý jáne karantinge deiingi burynǵy rejimge oralý. Ujymdyq immýnitettiń úlesi 60%-dan asýy kerek.
