QR Indýstriia jáne infraqurylymdyq damý ministri Beibit Atamqulov qurylysy aiaqtalmaǵan nysandar týraly suraqqa jaýap berdi, dep habarlaidy QazAqparat.
«Nur-Sultan qalasynda aiaqtalmaǵan 42 nysan bar, shamamen 13 myńdai úlesker bar. 2017 jyly Úkimet qorynan 40 mlrd teńge bólingen. Biyl taǵy 38,5 mlrd teńge bólinip otyr. Al endi 42 nysannyń 10 nysanyn sol úleskerler óz aqshasyna jáne investor qarajatyna bitirip jatyr. Qalǵan 32 nysanǵa osy bólingen aqsha ákimshilik arqyly beriledi. Bul másele biyl-kelesi jyly bitedi dep oilaimyn. Sebebi Úkimet óz jaǵynan kómektiń bárin kórsetti», - dep túsindirdi spiker Ortalyq kommýnikatsiialar qyzmetinde ótken esep berý brifinginde.
Buǵan deiin ministr Qazaqstanda halyqaralyq reisterdiń kezeń-kezeńimen ashylatynyn aityp, ruqsat berilgen alǵashqy memleketter tizimin jariialady.
