Elordada ulttyq biryńǵai testileý byltyrǵydai kúnara emes, kún saiyn ótkiziledi, dep habarlaidy qala ákimdiginiń resmi saity.
Nur-Sultandaǵy ulttyq biryńǵai testileý (UBT) 20 maýsym men 5 shilde aralyǵynda úsh ýniversitette ótedi: L.Gýmilev atyndaǵy Eýraziia ulttyq ýniversiteti (2 589 oqýshy, 13 aýditoriia), S.Seifýllin atyndaǵy Qazaq agrotehnikalyq ýniversiteti (1818 oqýshy, 7 aýditoriia) jáne Qazaq ekonomika, qarjy jáne halyqaralyq saýda ýniversiteti (1884 oqýshy, 13 aýditoriia).
«Búginde UBT qatysýshylarynyń málimetter bazasy bar, sáikestendirý kodtaryn berý rásimi ótti. UBT ótkizý oryndary barlyq qajetti qural-jabdyqtarmen qamtamasyz etildi», – dep habarlady Nur-Sultan qalalyq bilim basqarmasy.
Biyl qatysýshylar sany eki ese artty. Soǵan bailanysty byltyrǵy oqý jylyndaǵydai kúnara emes, ár kún saiyn ótkiziledi.
