Politseiler, ákimdik jáne qalalyq orta sapasy jáne baqylaý basqarmasy ókilderinen quralǵan mobildi toptar karantin erejesin buzý faktilerin anyqtaýdy jalǵastyryp jatyr, dep habarlaidy "Ult aqparat" Nur-Sultan qalasynyń Politsiia departamentine silteme jasap.
Ótken túni mobildi top 175 kásipkerlik sýbektisin tekserdi. Tekserý barysynda karantin tártibin buzǵan 9 mekeme anyqtaldy. Olardyń ishinde dúken, kafe-bar jáne spa salondar bar.
Bekturov kóshesinde ornalasqan «Sabai» spa-salony karantin erejelerine qaramastan jumys ýaqytynyń tártibin buzyp, túngi 23:50-de birneshe áieldi qabyldaǵan.
Klientterden bólek, salonda jumysshylar, ákimshi jáne mekemeniń direktory bolǵan.
Salonnyń iesine qatysty jinalǵan material QR ÁQBtK 425-baby boiynsha ákimshilik is qozǵaý úshin Qalalyq orta sapasy jáne baqylaý basqarmasyna jiberildi.
Nur-Sultan qalasynyń politsiia departamenti kásipkerlerdi karantin erejesine jaýapkershilikpen qaraýǵa jáne ony saqtamaǵan jaǵdaida sot sheshimimen mekemeniń qyzmeti toqtatylýy múmkin ekenin eskertedi.
