Nur-Sultan qalalyq Qoǵamdyq densaýlyq saqtaý basqarmasynyń basshysy Sáýle Qisyqova 20 naýryz kúni koronavirýs infektsiiasy anyqtalǵan 3 naýqastyń jai-kúiin aityp berdi, dep habarlaidy "Ult aqparat".
Tórt ailyq nárestesi bar otbasy 19 naýryzda Parij-Minsk-Nur-Sultan reisinen túsirilip, aýrýhanaǵa jetkizilgen.
«Atalǵan bortta 73 jolaýshy bolǵan. Sol borttan osy úsh adam aýrýhanaǵa jetkizildi jáne sonyń ishinde 7 adammen jaqyn bailanysta bolǵany anyqtaldy. Qalǵan 63 jolaýshy úi karantinine jatqyzyldy», - dedi basqarma basshysy qala ákimdiginde ótken onlain-brifingte.
Buǵan deiin habarlaǵanymyzdai, búgin Almaty oblysynda koronavirýs indetin juqtyrýdyń alǵashqy jaǵdaiy anyqtaldy. 21 naýryz saǵat 12.00-degi jaǵdai boiynsha, Nur-Sultan qalasynda - 28 adam, Almaty qalasynda – 22 adam, Qaraǵandy qalasynda - 2, Almaty oblysynda - 1 adam, jalpy 53 naýqas tirkeldi.
