«Adaldyq alańy» jobasy aiasynda sybailas jemqorlyqqa qarsy mádenietti qalyptastyrý, qoǵamda adaldyq, ádildik, parasat qundylyqtaryn nasihattaý maqsatynda halqymyzdyń uly tulǵalary men alash ziialylarynyń maqal-mátelderi men naqyl sózderi kórsetilgen bannerler ázirlenip, bilbordtarǵa ornalastyryldy, dep habarlaidy "Ult aqparat" elorda ákimdiginiń resmi saityna silteme jasap.
Abaidyń 175 jyldyq jáne ál-Farabidiń 1150 jyldyq mereitoiy qarsańynda dara tulǵalardyń tártipke, eńbekke, tárbiege jeteleitin qanatty sózderi kórsetildi. Ál-Farabi, Abai, B.Momyshuly, M.Áýezov, A.Baitursynov, Sh.Ýálihanovtyń sózderi qala kóshelerinde, aialdamalarda, áýejailarda, aqparattyq monitorlar men led ekrandarǵa ornalastyryldy. Sonymen qatar «Halyq únine qulaq asatyn memleket» tujyrymdamasyn iske asyrý, halyqty Agenttiktiń «1424 Call-ortalyǵymen» habardar etý jáne qala turǵyndarymen ortaq múdde úshin birlesip qyzmet atqarý maqsatynda bilbordtarǵa «1424 Call-ortalyǵynyń» nómiri ornalastyryldy.
Call-ortalyqtyń operatorlary agenttiktiń qyzmeti týraly suraqtarǵa jaýap berip, sybailas jemqorlyq faktileri, quqyq buzýshylyqtar jóninde, sondai-aq kásipkerlik qyzmetke kedergi keltirý jaǵdailary týraly telefon habarlamalaryn táýlik boiy qabyldaidy.
