Nur-Sultan qalasynyń soty óz qyzmetkerleriniń koronavirýs juqtyrǵany týraly aqparatty joqqa shyǵardy, dep habarlaidy "Ult aqparat" sottyń baspasóz qyzmetine silteme jasap.
"Áleýmettik jelilerde Nur-Sultan qalasy sotynyń qyzmetkerleri koronavirýs juqtyrǵany týraly aqparat tarap jatyr. Bul málimet shyndyqqa janaspaidy, jalǵan", - delingen resmi habarlamada.
Baspasóz qyzmetiniń aqparatynsha, elorda soty jumysyn toqtatqan joq. Qashyqtyqtan istep jatyr.
Buǵan deiin áleýmettik jelilerde Nur-Sultan qalasy sotynyń tóraǵasy Tilektes Bárpibaev Germaniiada koronavirýs juqtyrdy degen aqparat taraǵan edi. Osydan keiin elordada aýrýǵa shaldyqqan 14 naýqas qalalyq sottyń qyzmetkerleri ekeni, virýsty sot tóraǵasynyń kómekshisinen juqtyrǵany týraly qaýeset tarady.
@yyedilov kanalynda Bárpibaevtyń Eýropada em alyp jatqany habarlandy. Keibir derekkózdiń málimetinshe, sýdia jekemenshik ushaqpen Germaniiada turatyn ulyna ushyp ketken. Qasynda áieli men qyzy, bir sýdia jáne taǵy úsh jolaýshy bolypty-mys.
Koronavirýs epidemiiasy
18 naýryzdaǵy málimet boiynsha Qazaqstanda koronavirýs juqtyrǵandardyń sany 35 adamǵa jetti. Onyń on segizi – Nur-Sultan qalasynda, on jetisi – Almaty qalasynda.
Indettiń basqa qalalarǵa taralýyna jol bermeý maqsatynda eki qalada 19 naýryz saǵat 00.00-den bastap karantin jabylady. Osyǵan bailanysty Nur-Sultan men Almaty qalalarynyń ainalasynda kólik pen adam qozǵalysyn shekteý úshin arnaiy blok-posttar ornatylady.
Eki qalaǵa tek sol jerde tirkelgen azamattar ǵana kire alady.
16 naýryzdan bastap elimizde tótenshe jaǵdai jariialandy, rejim otyz kúnge sozylady.
