Nur-Sultanda "Tulpar" saýda ortalyǵynan órt shyqty. Tótenshe jaǵdailar departamenti málimetinshe, ǵimaratta saýda býtikteri janyp jatyr, - dep habarlaidy Tengrinews.kz.
"Búgin saǵat 07:36 minýtta elordalyq Órt sóndirý qyzmetiniń "101" pýltine Baiqońyr aýdany Ýalihanov kóshesi 24 "Tulpar" saýda úiinde órt bolǵany týraly habarlama tústi. 3 shaqyrtý dárejesi belgilenip, órt sóndirý esepteriniń kelip jetýi kezinde 4 qabatty saýda úidiń eń joǵarǵy 4-qabatynda ornalasqan saýda býtikteriniń órtenip jatqany anyqtaldy", - delingen habarlamada.
Órt sóndirý jedel shtaby qurylyp, 2 jaýyngerlik ýchaskege bólingeni habarlandy. Qazirgi sátte órt ornynda elordalyq TJD-nyń 19 tehnikasy men jeke quramnyń 71 adamy jumylǵan. Zardap shekkender men qaza bolǵandar joq.
