Elorda ákimdiginiń mobildi toby politseiler jáne epidemiolog mamandarmen birlesip, sanitarlyq normalardy buzǵan nysandardy anyqtaý úshin kún saiyn reid júrgizýde, – dep habarlandy qala ákimdiginiń resmi saitynda.
Mamyrdyń 21-26 aralyǵynda 150 kásiporyn tekserildi. Sanitarlyq normalardy buzǵan 12 nysan jabyldy. Dámhana, meiramhana, bar, azyq-túlik dúkeni, spa-salon jáne t.b.
«Brýno», «Roofork» jáne t.b. siiaqty birqatar nysanǵa aiyppul salyndy. Jumysyn qaita bastaǵan nysandar sanitaizerler ornatyp, qyzmetkerleri men kelýshileri maska kiip, ara qashyqtyqty ustaný siiaqty sanitarlyq normalardy saqtaýy tis.
Eske sala keteiik, 18 mamyrdan bastap qonaqúi keshenderi, qoǵamdyq tamaqtaný oryndary, dámhanalar, meiramhanalar, dini qulshylyq etý oryndary (kelýshileri bir mezgilde 50-den aspaityn) jumysyn qaita bastady. Otbasylyq jáne basqa da is-sharalardy ótkizýge tyiym salynady.
Sanitarlyq dárigerdiń qaýlysymen COVID-19 indeti tolyqtai joiylmaiynsha túngi klýb, fitnes klýb, jattyǵý zaldary, spa salondar, massaj kabinetteri, kosmetologiialyq ortalyqtar, klinikalar, ortalyqtar jáne t.b. jumysyna tyiym salyndy. Buǵan deiin sanitarlyq talaptardy buzǵan 26 nysan jabyldy. Onyń ishinde qurylys kompaniialary, dúkender, dámhanalar men meiramhanalar bar. Bul nysandar sanitarlyq-epidemiologiialyq normalardyń qatań saqtalýyn qamtamasyz etpeiinshe jabyq bolady. 150 kásiporyn eskertý aldy. Mundai qatań sharalar koronavirýstyń talaýyna jol bermeý úshin qabyldandy.
Aita keterligi, elordada maska taǵý rejimi saqtalýda. Halyq kóp júretin jerler men qoǵamdyq kólikterde maskamen júrý kerek.
