Politsiia qyzmetkerleri anyqtaǵandai, 25 jastaǵy elorda turǵyny turǵynúi aýlasynda kiltterdi irikteý arqyly «Taiota» avtokóliginiń salonyna kirip, beinetirkeýish pen antiradardy qoldy etken. Urlanǵan múlik sommasy 25 myń teńgeni qurady, dep habarlaidy "Ult aqparat" Nur-Sultan qalalyq Politsiia departamentine silteme jasap.
Kóliginiń ishindegi múliginiń urlanǵanyn baiqaǵan azamat politsiiaǵa shaǵymdandy.
Jedel-izdeý sharalary barysynda politseiler kúdiktini anyqtap, qolǵa túsirdi.
Er adam kinásin moiyndady. Osy jaǵdaiǵa qatysty QR QK 188-baby («Urlyq») boiynsha sotqa deiingi tergeý júrip jatyr. Antiradar men beinetirkeýish tárkilenip, iesine qaitaryldy.
Tergeý júrip jatyr, onyń astana aýmaǵyndaǵy osy sekildi qylmystarǵa qatysy bar-joǵy anyqtalyp jatyr.
Nur-Sultan qalasynyń Politsiia departamenti azamattardan asa muqiiat bolyp, qundy zattardy qaraýsyz qaldyrmaýdy suraidy.
