kollaj: Tengrinews.kz saity
Nur-Sultanda saýda ortalyǵynan shyqqan órtten aman qalý úshin 20 jastaǵy qyz ǵimarattyń terezesinen sekirip ketken. Oqiǵa videosy áleýmettik jelide tarady.
Elordalyq TJ departamenti "Astyqjan" saýda ortalyǵyndaǵy órtti sóndirý kezinde 2001 jylǵy qyz zardap shekkenin habarlady.
Anyqtalǵandai, ol - "Ýniversal" jihaz tsehynyń qyzmetkeri.
«Órt sóndirý barysynda «Ýniversal» jihaz tsehynyń 2001 jyly týǵan qyzmetkeri zardap shekken. Qazir ol qyz Travmatologiia jáne ortopediia ǵylymi-zertteý institýtyna jetkizildi, jaǵdaiy ortasha dárejede», - dep jazylǵan resmi málimette.
Eske sala keteiik, búgin tańerteń elordada "Astyqjan" saýda ortalyǵy órtendi. Úshinshi qabatta jihaz salony janǵan. Órtten shyqqan qoiý qara tútin qalanyń ár jerinen kórindi.
Órtti sóndirýge elordalyq 76 órt sóndirýshi men 19 birlik tehnika jumyldyryldy. Órt sóndirý ornynda órt sóndirý shtaby uiymdastyryldy.
