Jańa jyl merekesinde elordada saryshunaq aiaz kúshine minip tur. Degenmen shyqyrlaǵan aiaz ben boran qala qonaqtary men turǵyndarynyń ýaqytty kóńildi ótkizýine kedergi jasamaidy. Sonymen el astanasynda kóńil kóteretin muz aidyndary, syrǵanaqtar qaida ornalasqan?
Qalalyq ákimdik taratqan málimetke sensek, shahardaǵy eń jas, iaǵni kúni keshe ǵana qurylǵan Baiqońyr aýdanynda Atatúrik atyndaǵy saiabaqta shańǵymen jáne snoýbordpen syrǵanaýǵa arnalǵan elordadaǵy alǵashqy «NUR-SULTAN SNOWPARK» tóbeshigi ornalasqan.
Ǵimarattyń aýdany 720 sharshy metrden asady, uzyndyǵy – 40 metr, eni – 18 metr. Sondai-aq saiabaqta biiktigi 18 metr jasandy shyrsha, «Aiaz Ata men Aqshaqar» músini ornatylǵan.
Olar jinalǵan jurtqa merekelik kóńil-kúi syilaityny anyq.
Esil ózeniniń ústinde jalpy aýdany 2 400 sharshy metrden astam muz aidyny ornalasqan. Park aýmaǵynda konki men snoýbordty jalǵa berý, ystyq sýsyn satý jáne jylytý oryndary kúndelikti jumys isteidi.
«Jastar» saraiynyń janynda biiktigi 5 metr jáne uzyndyǵy 12 metrden astam tóbeshik ornatylǵan. Munda da 630 sharshy metr muz aidyny bar.
Abai dańǵylyndaǵy «Jazýshylar» alleiasynda Aiaz ata men Aqshaqar, sol siiaqty 15 metrlik shyrsha, aq ulpa qar túrindegi jaryq ótkeli, «jańa jyldyq syilyqtar» kompozitsiiasy, «Shar» jańa jyldyq oiynshyǵynyń kishi sáýlettik formasy jarqyrap, alystan menmundalaidy.
Aqbidai kóshesindegi «Óndiris» turǵyn alabyndaǵy saiabaqta da osyndai merekelik atmosfera ornaǵan: munda qysqy oiyn-saýyqty unatatyndar úshin uzyndyǵy 3 metrlik jalpy kólemi 10 metrge sozylǵan tóbeshik ornatylǵan.
Kemeńgeruly 8/1 kóshesindegi turǵyn úi kesheniniń aýlasynda aýdany 800 sharshy metrdi quraityn muz aidyny paida bolady.
Chehov jáne Jolymbet kósheleriniń qiylysyndaǵy skver aýdanyndaǵy «Kirpichnyi» turǵyn úi alabynda aýdany 300 sharshy metr muz aidyny ornatylǵan.
Dosmuhameduly kóshesindegi úilerdiń aýlalarynda «Kazgorodok» turǵyn alabynda biiktigi 2,5 metr jáne uzyndyǵy 6 tóbeshik ornatylǵan.
Bos ýaqytty Almaty aýdanynda da kóńildi ótkizýge bolady.
Munda 10 túrli alań (onyń ishinde 4-eýi turǵyn úi alaptarynda) ornalasqan, onda 9 muz aidyny, 4 konkimen syrǵanaityn jáne tiýbing aidyny, 4 kortpen syrǵanaityn muz aidyny jáne 2 kentte muz aidyny bar.
Triatlon parktegi «M-1» kópiriniń astyndaǵy jurtshylyqqa arnalǵan oryn da qala turǵyndarynyń nazaryn ózine eriksiz aýdarady.
Saiabaqtyń kórkin arnaiy ornatylǵan 9 matchtyq jaryq ta arttyryp tur. Demalys oryndaryn jailastyrý boiynsha jumystar júrgizildi.
Jylynýǵa arnalǵan kúrkeler, átkenshekter ornatyldy, sondai-aq sporttyq «Workout» alańdary uiymdastyryldy. Bul sharýashylyqtyń barlyǵy qys mezgilinde tolyqtai jumys isteidi.
Jaqyn mańaida ornatylǵan kópirdiń ainalasynda da syrǵanaqtar, túrli músinder jáne shaǵyn sáýlettik formalar ornatylǵan.
Munyń bári kelýshilerdi ertegi áleminde júrgendei áserde qaldyrady. Sol siiaqty taqyryptyq dekoratsiialary bar fotozona da qarastyrylǵan.
Prezidenttik saiabaqtyń basty nazar aýdararlyq orynnyń biri – 6 adamnyń bir mezette syrǵanaýyna múmkindik beretin, jalpy ólshemi 20 m h 40 m muz aidyny.
Iaǵni onyń jalpy aýdany 800 sharshy metrge teń. Jańa jyldyq dástúr boiynsha qonaqtardy qasqyr, aiý, buǵy, qoian jáne basqa da janýarlar túrindegi músinder qosymsha ornatylǵan.
Konkilerdi jalǵa beretin, sondai-aq qoǵamdyq tamaqtandyrý pýnkteri jumys isteidi.
Aqbulaq ózeniniń jaǵalaýy da ertegide júrgendei áser qaldyrady.
Munda kún saiyn júzdegen turǵyn muz aidyny men biik syrǵanaqtyń ústinde asyr salyp serýen qurady. Syrǵanaqtar muzdan quiylǵan kirpishtermen qalanǵan.
Onyń biiktigi – shamamen 10 metr. Ózen betindegi muz aidyny 8000 sharshy metrdi alyp jatyr.
Eń úlken tóbeshikterdiń biri Qazaq Eli monýmentiniń aldyndaǵy alańda ornalasqan.
Tóbeshiktiń biiktigi – 13 metr, uzyndyǵy – 35 metr. Munda 3600 sharshy metrlik muz aidyny bar. Al munda ornalasqan shyrsha demalys ornynyń sánin keltirip tur.
Esil aýdanynda «EXPO-2017», «Han Shatyr» SOO, «Jaǵalaý», «Jetisý» saiabaǵy aýmaǵynda, Esil ózeniniń jaǵalaýy boiynda, Úrker jáne Prigorodnyi turǵyn alaptarynda syrǵanaqtar men muz aidyndary ashyldy.
Saryarqa aýdany aýmaǵyndaǵy muz aidyndary men tóbeshikter Esil ózeniniń jaǵalaýynda, qalalyq ákimdik ǵimaratynyń aldyndaǵy alańda, Kóktal saiabaǵynda, Oqjetpes pen Gertsen, Qosshyǵululy, 15 jáne Tilendiev, 15 kósheleriniń qiylysynda ornalasqan.
Jańa jyl kúnderi elorda turǵyndary men qonaqtary osy mańaida ýaqytty kóńildi ótkize alady. Sebebi, el astanasy ýaqytty paidaly ótkizýge jáne kóńildi ótkizýge arnalǵan keremet nysandarymen maqtana alady.
Árine, demalys ýaqyty bolsa da sanitarlyq normalardy este saqtaý qajet.
