Foto: Memlekettik kúzet qyzmetinen
JShS direktory Nur-Sultanda sintetikalyq esirtki satýmen ainalysqan, - dep habarlaidy Tengrinews.kz agenttigi Memlekettik kúzet qyzmetine (MKQ) silteme jasap.
Qyzmet málimetinshe, "Ýchaske" jedel-profilaktikalyq is-sharasy aiasynda elordada quqyq qorǵaý jáne arnaiy organdardyń birlesken is-sharasy ótip, nátijesinde sintetikalyq esirtki satatyn "arna" joiylǵan.
"9 qyrkúiekte Syǵanaq kóshesindegi arnaiy tasjolda muqiiat josparlanǵan birlesken operatsiia barysynda Memlekettik kúzet qyzmetiniń jedel bólimsheleri politsiia departamentiniń esirtki qylmysyna qarsy is-qimyl basqarmasymen birlesip, iri mólsherde esirtki satqany úshin Nissan Teana markaly avtokóliginiń júrgizýshisi - elordanyń 35 jastaǵy turǵyny, qurylys-montajdaý jumystarymen ainalysatyn JShS direktory ustaldy", - delingen habarlamada.
MKQ málimetinshe, ustalǵan adam kinásin moiyndaǵan. Derek boiynsha Qylmystyq kodekstiń 297-baby 2-bóligi "Esirtki, psihotroptyq zattardy, asa iri mólsherde zańsyz alý, saqtaý, tasymaldaý nemese ótkizý" boiynsha qylmystyq is qozǵaldy.
Iske qatysy bar azamat Nur-Sultan qalalyq PD ýaqytsha ustaý izoliatoryna qamalǵan. Elordada esirtki qylmysy sybailastaryn anyqtaý maqsatynda tergeý júrip jatyr.
