Elordada qurylys alańdarynyń birinde qurylysshy mert boldy, dep habarlaidy QazAqparat.
«15 mamyr saǵat 03:34 shamasynda Esil aýdany Turan dańǵyly, 50 mekenjaiynda «Turan 1» turǵyn úi kesheniniń qurylys obektisi aýmaǵynda qaiǵyly jaǵdai boldy. Qurylys salýshy - «EMPAIRE» JShS. Oqys oqiǵa qurylys-montajdaý jumysy barysynda, júk kótergish mehanizmdi paidalaný kezinde oryn alǵan. Aldyn ala málimet boiynsha, munara krany kabeliniń úzilýi metall ilgektiń qulaýyna ákelip soqqan», - delingen Tótenshe jaǵdai ministrliginiń habarlamasynda.
Saldarynan bir jumysshy oqiǵa ornynda qaza tapqan.
«Nur-Cultan qalalyq orta sapasy jáne baqylaý basqarmasy osy jazataiym oqiǵany tergeý úshin arnaiy komissiia qurady. QR Tótenshe jaǵdailar ministrligi ónerkásiptik qaýipsizdik komitetiniń elorda boiynsha departamentiniń qyzmetkeri avariianyń sebepteri men mán-jaiyn anyqtaý maqsatynda osy komissiianyń jumysyn basqarady. Tergeý nátijesi qosymsha habarlanady», - dedi ministrliktiń baspasóz qyzmeti.
