Nur-Sultanda órt sóndirýshiler kottedjdegi órtti sóndirdi. Bul týraly Tótenshe jaǵdailar ministrliginiń resmi ókili Talǵat Ýáli málim etti, dep habarlaidy "Ult aqparat".
Eske sala keteiik, búgin Shubar shaǵynaýdanynda Temirqazyq kóshesi boiyndaǵy eki qabatty kottedjdiń shatyry jáne oǵan japsarlas ýaqytsha salynǵan qurylys órtendi. Ol jaiynda saǵat 11.40 shamasynda elordalyq órt sóndirý qyzmetiniń 101 pýltine habarlama túsken.
Saǵat 11.47-de oqiǵa ornyna Nur-Sultan qalasy TJD kúsh-quraldary kelip jetti. Órt sharpyǵan aýmaq shamamen 150 sharshy metrdi qurady.
Qaza bolǵandar men zardap shekkender joq. Órttiń shyǵý sebepteri anyqtalyp jatyr.
Órt saǵat 12:10-da oqshaýlandy, saǵat 13.24-te sóndirildi.
Órtti sóndirýge Nur-Sultan qalasy TJD, Apattar meditsinasy ortalyǵynan, jedel járdem brigadasynan, politsiia departamentinen 34 qyzmetker men 9 tehnika jumyldyryldy.
