Nur-Sultan qalasy Qoǵamdyq densaýlyq saqtaý basqarmasynyń basshysy Sáýle Qisyqova koronavirýs infektsiiasyn juqtyrǵandardyń jasy týraly aityp berdi, dep habarlaidy "Ult aqparat".
«Qazirgi ýaqytta Nur-Sultan qalasynda koronavirýs infektsiiasyna qatysty 25 jaǵdai tirkelgen. Onyń ishinde 17 jaǵdai nemese naýqastardyń 68 paiyzy - 30 ben 49 jas aralyǵynda, 4 oqiǵa - 50-59 jas, 3 oqiǵa - 18-29 jas aralyǵynda jáne bir oqiǵa - 14 jastaǵy jasóspirimde kezdesti», - dedi basqarma basshysy qala ákimdiginde ótken onlain brifingide.
Sáýle Qisyqovanyń aitýynsha, qazirgi ýaqytta barlyq naýqastardyń jaǵdaiy qanaǵattanarlyq, esh shaǵymy joq jáne dene qyzýy shekti normadan aspaǵan.
Eske sala ketsek, Qazaqstanda qazir 49 koronavirýs infektsiiasyn juqtyrǵan adam tirkelgen.
«Osy saǵatta (20 naýryz saǵat 08:30-da) Almatyda – 22 adam, Qaraǵandy qalasynda - 2 adam, Nur-Sultanda - 25 adam tirkelgen. Respýblika aýmaǵynda barlyǵy 49 naýqas tirkelip otyr. Olardyń eshqaisysy qaitys bolǵan joq» , - dedi QR Densaýlyq saqtaý ministrliginiń resmi ókili Dias Ahmetshárip.
Onyń aitýynsha, naýqastardyń barlyǵynyń jaǵdaiy jaqsy.
