Nur-Sultan qalalyq densaýlyq saqtaý basqarmasynyń basshysy Sáýle Qisyqova qaladaǵy epidemiologiialyq jaǵdaidy baian etti, dep habarlaidy "Ult aqparat".
Sáýle Qisyqovanyń aitýynsha, astanada qazirgi ýaqytta koronavirýs infektsiiasyn juqtyrýdyń 1 287 jaǵdaiy tirkelgen. 602 adam jazylyp shyqqan.
«Ótken táýlikte koronavirýs juqtyrýdyń taǵy 36 faktisi tirkeldi. Ósim – 2,9 paiyz. Onyń ishinde KVI juqtyrǵan azamattarmen jaqyn qarym-qatynasta bolǵandardyń sany – 21. Statsionarda pnevmoniiamen, JRVI-men jatqan 9 adamnan da koronavirýs rastaldy. Bir jaǵdai epidemiologiialyq ahýal turaqsyz óńirden kelgenderdiń ishinen anyqtaldy. 5 jaǵdai alǵashqy meditsinalyq-sanitarlyq kómekke júgingen adamdardyń ishinen belgili boldy», - dedi Sáýle Qisyqova OKQ-da ótken baspasóz máslihatynda.
Basqarma basshysy elordada osy ýaqytqa deiin 75 myń PTR-testileý, 32 myń ekspres-testileý júrgizilgenin málim etti.
«Mamyrdyń alǵashqy aptasynda koronavirýs infektsiiasynyń 376 jaǵdaiy tirkelgen edi. Ortasha ósim ol kezde 6,4 paiyzdy quraǵan. Mamyrdyń ekinshi aptasynda 185 adam anyqtaldy. Ortasha ósim 2,3 paiyzdy kórsetti. Jańa jaǵdailardyń eki ese tómendegeni baiqalady», - dedi ol.
