Elordada qoǵamdyq kóliktiń júrý ýaqyty bir saǵatqa uzartyldy, dep habarlaidy "CTS" kompaniiasy.
"Búginnen bastap astanada avtobýstardyń júrý kestesi ózgerdi. Endi qoǵamdyq kólik saǵat 06:00-den 22:00-ge deiin júredi. Buǵan deiin saǵat 07:00-den 21:00-ge deiin qatynady", - delingen resmi habarlamada.
Qazirgi kezde tek qala ishindegi avtobýstar ǵana qatynap júr. Ekinshi kezeńde qala mańyna qatynaityn baǵdarlar shyǵatyn bolady. Dezinfektsiialyq jumystar burynǵydai júrgiziledi. Avtobýs júrgizýshileri barlyq qaýipsizdik sharalaryn saqtaidy. Sonyń ishinde betperde men qolǵap kiiý, antiseptikti qoldaný bar. Osy sharalardy jolaýshylar da saqtaý qajet.
"Júrgizýshiler bilet satýdy ýaqytsha toqtatty. Jol júrý úshin kólik kartalaryn jáne jolaqy tóleýdiń balama tásilderin qoldanýǵa bolady. Olar: SMS, QR-kod jáne mobildi qosymshalar. Karantin engizilgenge deiin qolma-qol aqshasyz tólemniń úlesi 98 protsent bolǵan", - deidi kompaniia mamandary.
Karantin kezinde satyp alynǵan ailyq jol júrý tarifteri paidalanýshylardyń kólik kartalaryna qaita júkteldi. Ailyq jol júrý 12 mamyrdan 11 maýsymǵa deiin jaramdy. 28 naýryzdan bastap qosymsha tarifter iske qosylǵan bolatyn. 18 jasqa deiingi balalar kólik kartasy bar bolǵan jaǵdaida tegin júre alady. Al bir saǵattyń ishinde tegin aýysyp otyrý jeńildigin alyp tastady. Ony alý úshin arnaiy tarifterdi satyp alý qajet.
