Elordada epidahýaldyń nasharlaýyna bailanysty teatr, kinoteatr jumysy toqtatyldy. Odan bólek, kópshiliktiń qatysýymen ótetin sharalarǵa tyiym salyndy. Bul týraly Nur-Sultan qalasynyń bas memlekettik sanitar dárigeri Sarhat Beisenova málim etti, dep habarlaidy QazAqparat.
«Búginnen bastap meniń jańa qaýlyma sáikes, elordanyń «qyzyl» aimaqqa qaita enýine bailanysty ǵimarat ishinde jáne syrtta kópshiliktiń qatysýymen ótetin sharalarǵa tyiym salynady. Onyń ishinde otbasylyq jáne basqa da merekelik is-sharalar bar. Al eske alý sharasyn «Ashyq» jobasyna qatysatyn mekemede ótkizýge bolady. Biraq 30 adamnan artyq jinalýǵa bolmaidy», - dedi Sarhat Beisenova qala ákimdiginde onlain ótken baspasóz máslihatynda.
Sondai-aq, bas sanitar dáriger birneshe áleýmettik nysannyń qyzmetine tyiym saldy.
«Ashyq» jobasyna qatysatyndyǵyna qaramastan kontsert zal, filarmoniia, teatr, kinoteatr, tsirk qyzmetine tyiym salynady. Jáne jurtshylyqtyń qatysýymen ótetin juma namaz basqa da dini sharalar ótkizýge ruqsat joq. Odan bólek, konferentsiia, seminar, forým ótkizý men karaoke, túngi klýbtardyń jumysy toqtatyldy», - deidi ol.
Sonymen qatar elordada tamaqtaný oryndarynda bardyń qyzmetine de tyiym salyndy.
