Elordada halyq sanaǵynyń daiyndyq kezeńi aiaqtaldy, onyń aiasynda interviýerler turǵyndar sanyn belgileý, sondai-aq meken-jai derekterin redaktsiialaý maqsatynda turǵyn jáne turǵyn emes úi-jailardy aralap shyqty, dep habarlaidy "Ult aqparat" qala ákimdiginiń resmi saityna silteme jasap.
Planshet qurylǵylaryna jinalǵan barlyq aqparat «Aýdandastyrý» avtomattandyrylǵan júiesine berildi.
Ulttyq statistika biýrosynyń habarlaýynsha, qazir sanaqtyń daiyndyq kezeńiniń derekteri negizinde halyq sanaǵyn ótkizýdiń negizgi kezeńi úshin aldyn ala esepteý men esep jáne nusqaý ýchaskelerin qalyptastyrý júrgizilip jatyr.
Esepteý jáne nusqaý berý ýchaskeleri bir interviýer - eseptegishke 833 adamnyń júktemesin eskere otyryp, aldymen qala kartasynda qalyptastyrylady, sodan keiin aqparattyq júiege jáne planshettik qurylǵylarǵa kóshiriledi. Bul barlyq respondentterge sanaq paraqtary boiynsha
elektrondyq túrde saýalnama júrgizýge múmkindik beredi.
«Interviýerlerdiń elektrondyq planshetterdi paidalanýy sanaq qyzmetkerleriniń eńbek shyǵyndaryn azaitýǵa, adam faktorynyń derekter sapasyna áserin azaitýǵa, JSN qoldana otyryp, halyq sanaǵy derekteriniń shynaiylyq deńgeiin arttyrýǵa, qaǵaz ben keńse zattaryn edáýir únemdeýge septesip, sondai-aq derekterdi jinaý kezinde interviýerlerdiń jyldam jumys isteýine múmkindik beredi», - delingen vedomstvo habarlamasynda.
Nysandardy aralaý jáne onda turatyn halyqqa saýalnama júrgizý 2021 jylǵy 1-30 qazan aralyǵynda júzege asyrylady.
Aita ketý kerek, zamanaýi tsifrlyq tehnologiialardy engizý jáne protsesti avtomattandyrý alǵash ret halyqqa sanaqtan ótýdiń basqa nusqasyn tańdaýǵa múmkindik beredi. Azamattar ornalasqan jerine qaramastan mamandandyrylǵan sanaq.gov.kz saitynda internet-saýalnamadan óte alady, ózine jáne otbasy múshelerine sanaq paraqtaryn derbes toltyrý qajet.
Sait 2021 jyldyń 1 qyrkúiegi men 15 qazany aralyǵynda táýligine 24 saǵat boiy qoljetimdi bolady.
