Nur-Sultanda Turan dańǵylyndaǵy ákimshilik ǵimarattan órt shyqty, - dep habarlaidy "Ult aqparat".
Ashyq aqparat kózderine súiensek, ǵimaratta "Qazaqmys" saqtandyrý kompaniiasynyń keńsesi ornalasqan.
Kýágerler jelide ǵimarttyń tútindep jatqan vidosyn bólisip jatyr.
Nur-Sultan qalalyq tótenshe jaǵdailar departamentiniń baspasóz qyzmetiniń málimetinshe, órt týraly habarlama 18.33-te kelgen.
"Nur-Sultan qalasynyń TJD Órt sóndirý bólimsheleri Turan dańǵyly 37/10 mekenjaiynda oryn alǵan órt ornyna jeke quramnyń 44 adamy men 11 tehnikasy quramynda joǵary shaqyrý nómiri boiynsha shyqty. Aldyn ala aqparat boiynsha ǵimarattyń shatyry jáne qaptaýy janýda. Shaqyrtý ornyna órt sóndirýshiler 5 minýttan keiin dereý jetti. Qazirgi ýaqytta barlaý jumystary júrgizilýde", - delingen habarlamada.
