Elorda turǵyndary úi jaǵdaiynda sapaly meditsinalyq kómek alýda. Esterińizge sala keteiik, pandemiia kezinde arnaiy mobildi toptar qurylǵan bolatyn. Olardyń quramynda feldsher men medbike jumys isteidi, dep habarlaidy "Ult aqparat" qala ákimdiginiń baspasóz qyzmetine silteme jasap.
«Mobildi toptar shaqyrtýlarǵa baryp, koronavirýs infektsiiasynyń belgilerin baiqasa, bizdiń feldsherler úiden PTR-zertteý úshin qan alady. Sondai-aq COVID-19-ben aýyrǵan otbasy múshelerinen synama alynady. Osylaisha olardyń emhanaǵa kelýin azaityp, qaýipsizdigin saqtai alamyz», – deidi bas medbike Kúlzi Ábenova. Dárigerler úide kórsetetin meditsinalyq kómekten basqa dispanserlik esepte turǵan naýqastarǵa dári-dármek ákeledi. Sondai-aq, DamuMed qosymshasy arqyly onlain-keńester ótkizedi. Dárigerlerdiń aitýynsha, karantin engizilgennen keiin jaǵdai turaqtalǵan.
«Búgingi tańda bizde alty mobildi top jumys isteidi. Karantin engizilgennen keiin shaqyrtýlar sany 30% tómendedi», – deidi maman.
Esterińizge sala keteiik, maýsym aiynda Densaýlyq saqtaý ministrliginiń qaýlysymen koronavirýs pen pnevmoniia juqtyrǵan naýqastarǵa kómek kórsetý úshin mobildi toptar quryldy. Búginde elordada 200-ge jýyq mobildi top jumys isteidi. Bir mobildi top qyzmeti bes myń turǵynǵa eseptelgen. Shilde aiynyń basynan bastap Nur-Sultan jedel járdem stantsiiasyna qońyraýlar sany úsh ese azaidy – kúnine 3000-nan 1100-ge deiin. Onyń ishinde koronavirýs infektsiiasy boiynsha – táýligine 500-den 89-ǵa deiin. Nur-Sultanda koronavirýs infektsiiasynan emdelip shyqqandar sany 70% – 10 320 naýqastyń 7 260-y saýyǵyp shyqqan. Tósek-oryn qoryna júkteme 99%-dan 38%-ǵa deiin tómendedi. 5 shildeden bastap júrgizilgen karantin sharalary men ambýlatoriialyq emdeýdi kúsheitý nátijesinde pnevmoniiamen aýrýhanaǵa túskender sany eki ese – 1348-den 633 adamǵa deiin azaidy.
