ەلوردا تۇرعىندارى ٷي جاعدايىندا ساپالى مەديتسينالىق كٶمەك الۋدا. ەستەرٸڭٸزگە سالا كەتەيٸك, پاندەمييا كەزٸندە ارنايى موبيلدٸ توپتار قۇرىلعان بولاتىن. ولاردىڭ قۇرامىندا فەلدشەر مەن مەدبيكە جۇمىس ٸستەيدٸ, دەپ حابارلايدى "ۇلت اقپارات" قالا ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
«موبيلدٸ توپتار شاقىرتۋلارعا بارىپ, كوروناۆيرۋس ينفەكتسيياسىنىڭ بەلگٸلەرٸن بايقاسا, بٸزدٸڭ فەلدشەرلەر ٷيدەن پتر-زەرتتەۋ ٷشٸن قان الادى. سونداي-اق COVID-19-بەن اۋىرعان وتباسى مٷشەلەرٸنەن سىناما الىنادى. وسىلايشا ولاردىڭ ەمحاناعا كەلۋٸن ازايتىپ, قاۋٸپسٸزدٸگٸن ساقتاي الامىز», – دەيدٸ باس مەدبيكە كٷلزي ەبەنوۆا. دەرٸگەرلەر ٷيدە كٶرسەتەتٸن مەديتسينالىق كٶمەكتەن باسقا ديسپانسەرلٸك ەسەپتە تۇرعان ناۋقاستارعا دەرٸ-دەرمەك ەكەلەدٸ. سونداي-اق, DamuMed قوسىمشاسى ارقىلى ونلاين-كەڭەستەر ٶتكٸزەدٸ. دەرٸگەرلەردٸڭ ايتۋىنشا, كارانتين ەنگٸزٸلگەننەن كەيٸن جاعداي تۇراقتالعان.
«بٷگٸنگٸ تاڭدا بٸزدە التى موبيلدٸ توپ جۇمىس ٸستەيدٸ. كارانتين ەنگٸزٸلگەننەن كەيٸن شاقىرتۋلار سانى 30% تٶمەندەدٸ», – دەيدٸ مامان.
ەستەرٸڭٸزگە سالا كەتەيٸك, ماۋسىم ايىندا دەنساۋلىق ساقتاۋ مينيسترلٸگٸنٸڭ قاۋلىسىمەن كوروناۆيرۋس پەن پنەۆمونييا جۇقتىرعان ناۋقاستارعا كٶمەك كٶرسەتۋ ٷشٸن موبيلدٸ توپتار قۇرىلدى. بٷگٸندە ەلوردادا 200-گە جۋىق موبيلدٸ توپ جۇمىس ٸستەيدٸ. بٸر موبيلدٸ توپ قىزمەتٸ بەس مىڭ تۇرعىنعا ەسەپتەلگەن. شٸلدە ايىنىڭ باسىنان باستاپ نۇر-سۇلتان جەدەل جەردەم ستانتسيياسىنا قوڭىراۋلار سانى ٷش ەسە ازايدى – كٷنٸنە 3000-نان 1100-گە دەيٸن. ونىڭ ٸشٸندە كوروناۆيرۋس ينفەكتسيياسى بويىنشا – تەۋلٸگٸنە 500-دەن 89-عا دەيٸن. نۇر-سۇلتاندا كوروناۆيرۋس ينفەكتسيياسىنان ەمدەلٸپ شىققاندار سانى 70% – 10 320 ناۋقاستىڭ 7 260-ى ساۋىعىپ شىققان. تٶسەك-ورىن قورىنا جٷكتەمە 99%-دان 38%-عا دەيٸن تٶمەندەدٸ. 5 شٸلدەدەن باستاپ جٷرگٸزٸلگەن كارانتين شارالارى مەن امبۋلاتورييالىق ەمدەۋدٸ كٷشەيتۋ نەتيجەسٸندە پنەۆمونييامەن اۋرۋحاناعا تٷسكەندەر سانى ەكٸ ەسە – 1348-دەن 633 ادامعا دەيٸن ازايدى.
