Elordada 1469 meditsina qyzmetkeri syiaqy aldy. Bul týraly Ortalyq kommýnikatsiialar qyzmetindegi brifingte Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova aitty, dep habarlaidy QazAqparat.
«Prezidenttiń tapsyrmasyna sáikes, barlyq 1 469 meditsina qyzmetkerine, onyń ishinde koronavirýspen kúreske jumyldyrylǵan 163 dárigerge, 683 meditsina qyzmetkerine, 623 kishi meditsina qyzmetkerine syiaqy tólendi. Syiaqy tóleýge 150 mln teńge jumsaldy. Sonymen qatar, Elbasy tapsyrmasy boiynsha «Birgemiz» qorynan koronavirýs indetimen aýyrǵan patsienttermen tikelei qarym-qatynasta bolǵan meditsina qyzmetlerin yntalandyrý úshin qosymsha 25 mln teńge bólindi»,- deidi Sáýle Qisyqova.
Sondai-aq ol meditsina qyzmetkerlerin koronavirýs indetinen qorǵaý úshin qandai jumystar júrgzilip jatqanyn aitty.
«Koronavirýs indeti anyqtalǵan patsientterdi emdeýge jumyldyrylǵan emdeý mekemelerindegi meditsina qyzmetkerleriniń arasynda virýs juqtyrmaý, sondai-aq salaýatty moraldyq-psihologiialyq ahýaldy ustap turý úshin shamamen 700 meditsina qyzmetkeri qalanyń qonaq úilerine ornalastyryldy. Olar úsh mezgil tamaqpen qamtamasyz etilgen. Sonymen qatar olardy alyp júrý úshin kólik bólingen. Patsienttermen jáne dárigerlermen jumys isteý úshin psihologtar jumyldyrylǵan», - dedi basqarma basshysy.
