Nur-Sultan qalalyq densaýlyq saqtaý basqarmasynyń basshysy Sáýle Qisyqova astanada qandai jaǵdaida karantin tártibi qaita engizilýi múmkin ekenin aityp berdi, dep habarlaidy QazAqparat.
«Ótken aptada qalada koronavirýs juqtyrýdyń ósimi 7 paiyzdy kórsetken edi. Osy kórsetkish elordadaǵy karantin sharalaryn alyp tastaýdyń alǵashqy kezeńin bastaýǵa jol ashty. Endigi kezekte ekinshi aptada ósim 5 paiyzdan aspaýy tiis. Eger atalmysh kórsetkishten asyp ketse, karantin sharalaryn kúsheitý, tipti burynǵy talaptardy qaitarý máselesin qarastyrýymyz múmkin. Karantindi jeńildetýdiń basty talaptarynyń biri – aýrýdyń tirkelýiniń azaiýy. Qala turǵyndaryn taǵy bir márte qaýipsizdik talaptaryn saqtaýǵa shaqyramyz. Talaptardyń bárin saqtasaq, aýrý ósimi bolmaidy», - dedi Sáýle Qisyqova OKQ-da ótken baspasóz máslihatynda.
Óz kezeginde qalalyq jergilikti politsiia qyzmetiniń bastyǵy Ǵusman Jakin de qala halqyn qaýipsizdik sharalaryn saqtaýǵa shaqyrdy.
«Koronavirýs infektsiiasy jappai taralyp ketse, qatań sharalar qabyldanýy múmkin. Sebebi qala turǵyndary men meimandar máselege jiti mán bermei otyrǵan sekildi. Komissiia sheshimimen shekteý sharalarynyń legi alynyp jatqany belgili. Turǵyndar komissiianyń sheshimin oryndaýy tiis», - dedi ol.
