Elordada «KamAZ» avtokóligi 30 jolaýshysy bar marshrýttyq avtobýsty soqty, dep habarlaidy "Ult aqparat" qalalyq Politsiia departamentine silteme jasap.
«18 aqpan kúni tańǵy saǵat 08.30-da R. Qoshqarbaev kóshesi men Abylaihan dańǵylynyń qiylysynda «KamAZ» avtokóliginiń 54 jastaǵy júrgizýshisi rýldi basqara almai, №22 marshrýttyq avtobýsqa soǵysty. R. Qoshqarbaev kóshesi arqyly Sh. Qudaiberdiuly kóshesine bara jatqan avtobýs qatty soqqydan qarsy jolaqqa shyǵyp ketip, Tólebaev kóshesine bara jatqan Skoda Rapid kóligimen soqtyǵysqan», - dep habarlady departamenttiń baspasóz qyzmeti.
Apat saldarynan «Skoda Rapid» kóliginiń 63 jastaǵy jolaýshysy qalalyq aýrýhanaǵa jetkizildi. № 22 avtobýsta shamamen 30 jolaýshy boldy. Olardyń eshqaisysy zardap shekken joq.
«KamAZ» júrgizýshisine qatysty QR ÁQBK 610-babyna sáikes, ákimshilik hattama toltyryldy. Tekserý jumystary júrip jatyr.
