نۇر-سۇلتاندا «كاماز» كٶلٸگٸ جولاۋشىلار اۆتوبۋسىن سوقتى

ەلوردادا «كاماز» اۆتوكٶلٸگٸ 30 جولاۋشىسى بار مارشرۋتتىق اۆتوبۋستى سوقتى, دەپ حابارلايدى "ۇلت اقپارات" قالالىق پوليتسييا دەپارتامەنتٸنە سٸلتەمە جاساپ.

«18 اقپان كٷنٸ تاڭعى ساعات 08.30-دا ر. قوشقارباەۆ كٶشەسٸ مەن ابىلايحان داڭعىلىنىڭ قيىلىسىندا «كاماز» اۆتوكٶلٸگٸنٸڭ 54 جاستاعى جٷرگٸزۋشٸسٸ رۋلدٸ باسقارا الماي, №22 مارشرۋتتىق اۆتوبۋسقا سوعىستى. ر. قوشقارباەۆ كٶشەسٸ ارقىلى ش. قۇدايبەردٸۇلى كٶشەسٸنە بارا جاتقان اۆتوبۋس قاتتى سوققىدان قارسى جولاققا شىعىپ كەتٸپ, تٶلەباەۆ كٶشەسٸنە بارا جاتقان Skoda Rapid كٶلٸگٸمەن سوقتىعىسقان», - دەپ حابارلادى دەپارتامەنتتٸڭ باسپاسٶز قىزمەتٸ.

اپات سالدارىنان «Skoda Rapid» كٶلٸگٸنٸڭ 63 جاستاعى جولاۋشىسى قالالىق اۋرۋحاناعا جەتكٸزٸلدٸ. № 22 اۆتوبۋستا شامامەن 30 جولاۋشى بولدى. ولاردىڭ ەشقايسىسى زارداپ شەككەن جوق.

«كاماز» جٷرگٸزۋشٸسٸنە قاتىستى قر ەقبك 610-بابىنا سەيكەس, ەكٸمشٸلٸك حاتتاما تولتىرىلدى. تەكسەرۋ جۇمىستارى جٷرٸپ جاتىر.