Nur-Sultanda jolaýshylar tasymaldaityn avtobýstarda, bazarlarda jáne basqa da adamdar kóp jinalatyn jerlerde júretin qalta urylary ustaldy, - dep habarlaidy Tengrinews.kz qalalyq politsiia departamenti baspasóz qyzmetine silteme jasap.
Tártip saqshylary málimetinshe, birneshe ret sottalǵan 27 jáne 33 jastaǵy kúdiktiler elordaǵa Semeiden kelgen.
"Politseiler olardyń qala aýmaǵynda bir aida segiz qalta urlyǵyn jasaǵynyn dáleldedi. Qala turǵyndary aryz túsirgen. Barlyq jaǵdaida qaskúnemder bir shema boiynsha áreket etti: qoǵamdyq kólikte, bazarlarda, saýda úilerinde jáne adamdar kóp jinalatyn basqa orynda aldyn ala tańdalǵan adamǵa jaqyndap, uialy telefondaryn urlap ketken", - delingen habarlamada.
