Nur-Sultan qalasynyń politseileri esirtki dilerin ustady, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
«27-29 sáýir kúnderi elorda aýmaǵynda «Quqyqtyq tártip» aldyn alý sharasy ótkizildi. Onyń maqsaty – qoǵamdyq tártiptiń saqtalýyn qadaǵalaý, kósheler men basqa qoǵamdyq oryndarda qylmystyń aldyn alý jáne oǵan jol bermeý. Osylaisha, jedel is-sharalardy ótkizý kezinde politseiler elorda aýmaǵynda esirtki jetkizý jáne satý arnasyn joidy. Kúndiz dámhananyń janynan esirtki dileri – 53 jastaǵy áiel ustaldy. Tekserý kezinde odan satý úshin daiyndap qoiǵan geroin salynǵan 7 polietilen túiinshek anyqtaldy. Ol esirtkini ish kiimine jasyryp qoiǵan. Sondai-aq áieldiń turǵylyqty jerin tekserý kezinde onda salmaǵy 2,71 gramm geroin anyqtalǵan. Alynǵan esirtkiniń jalpy salmaǵy 20,01 gramdy qurady. Jalpy alǵanda, tártip saqshylary zańsyz ainalymnan geroinniń 100-ge jýyq birjolǵy dozasyn shyǵardy», - dep baiandady politsiiada.
Kúdikke ilingen áiel ýaqytsha oqshaýlaý abaqtysyna qamaldy, QR Qylmystyq kodeksiniń 296-babynyń 4-bólimi (Asa iri kólemdegi esirtkilik zattardy zańsyz saqtaý) boiynsha tergeý amaldary júrgizilýde.
