Memlekettik tildi damytý máselesi barshanyń ortaq paryzy. Bul týraly Nur-Sultan qalasy Ishki saiasat basqarmasy basshysynyń orynbasary Lázzat Qusaiynova Qazaqstan halqy Assambleiasynyń Nur-Sultanda «Memlekettik til – etnostardyń birtutas qazaqstandyq qoǵamǵa birigý faktory» atty kezekti jiynynda aitty, - dep habarlaidy «Ult aqparat».
Atalǵan jiynǵa Nur-Sultan qalasy Qazaqstan halqy Assambleiasy kásipkerler keńesiniń jáne Nur-Sultan qalasy Qazaqstan halqy Assambleiasy Analar keńesi músheleri, Nur-Sultan qalasynyń Qazaqstan halqy Assambleiasynyń etnomádeni birlestikteriniń ókilderi, qala kásipkerleri qatysty.
«Memlekettik tildi damytý máselesi barshanyń ortaq paryzy, oǵan qatysty osy ýaqyt aralyǵyna deiin tyndyrymdy isterdiń atqaryldy. Memlekettik tildiń qoldaný aiasyna bailanysty kásipkerlik nysandarynda talaptardy saqtaýdyń mańyzy da zor. Sondai-aq, elordadaǵy Dostyq úiinen «Mámile» qazaq tili pikir almasý klýby ashylyp, onyń barysynda elorda etnomádeni birlestikteri ókilderiniń memlekettik tildi damytýǵa úles qosyp kele jatyr. Naqty aitqanda, olar qazaq tilin aýyzeki tilde meńgerýge jáne qaǵaz júzinde jazýǵa da bar ynta-yqylasymen kirisken. Sondai-aq bul klýb ótkizgen sabaq barysynda qazaqtyń salt-dástúrleri men ádet-ǵuryptaryna qatysty málimetter keńinen aitylyp, tyńdarmandardyń zor qyzyǵýshylyǵyn týǵyzdy», - dedi Nur-Sultan qalasy Ishki saiasat basqarmasy basshysynyń orynbasary Lázzat Qusaiynova.
Osy oraida Dostyq úiinen ashylǵan «Parasat» qaiyrymdylyq ortalyǵynyń da atqaryp kele jatqanyn tilge tiek ete ketkenimiz jón. Sonymen qatar, Qazaqstan halqy Assambleiasynyń XXIX sessiiasynda memlekettik tildi damytýǵa basa mán berile bastady. Bul týraly Nur-Sultan qalasy Tilderdi damytý jáne arhiv isi basqarmasynyń onomastika jáne ádistemelik jumys bóliminiń basshysy T.Ermaǵambetov atap ótti.
«Memlekettik til máselesinde jarnamaǵa qatysty talaptardy eskerýimiz kerek, bul rette basqa da tilderge qurmetpen qaraý qajet. Sonda memlekettik tildiń damýyna úles qosyp qana qoimai, kópulttyń Qazaqstannyń saiasatyna da jumys istei alamyz. Bul kóptegen halyqtyń negizgi mindet-maqsattary bolsa kerek», - dedi ol.
Aita keteiik, atalǵan jiynǵa Nur-Sultan qalasy Kásipkerler palatasynyń adami kapitaldy damytý bóliminiń bastyǵy A.Rahmetova men «Rýhaniiat» KMM basshysynyń mindetin atqarýshy G.Kamasheva memlekettik tilge qatysty tolǵamdy pikirlerin aitty.
«Memlekettik til týrasynla kóptegen máseleler bar eken ras. Alaida tildi kóterý, memlekettik deńgeiin aiqyndaý ózimizge bailanysty. Kásipkerlik salasynda da qazaq tiliniń jaǵdaiy keide durys qoldanylmai qalyp jatady. Kásipkerlerdiń biraz bólilig resmi tildle sóilep, resmi tilde ǵana qyzmet kórsetedi. Memlekettik tildiń kásip salasynda órkendeýi úshin ózimizden bastaǵanymyz jón. Máselen, bir ǵana jarnamadaǵy til máselesine kóńil bóletin bolsaq, birshama sharýany ońynan sheshken bolar edik. Áriptesterimdi osy iske jumyla kirisýge shaqyramyn», - dedi Nur-Sultan qalasy Kásipkerler palatasynyń adami kapitaldy damytý bóliminiń bastyǵy A.Rahmetova.
Esterińizge sala keteiik, Nur-Sultan qalasy Ishki saiasat basqarmasy basshysynyń orynbasary Lázzat Qusaiynova Qazaqstan halqy Assambleiasynyń Nur-Sultanda «Memlekettik til – etnostardyń birtutas qazaqstandyq qoǵamǵa birigý faktory» atty kezekti jiynynda Memlekettik tildi damytý máselesi barshanyń ortaq paryzy ekenin aitqan bolatyn. Atalǵan jiynǵa Nur-Sultan qalasy Qazaqstan halqy Assambleiasy kásipkerler keńesiniń jáne Nur-Sultan qalasy Qazaqstan halqy Assambleiasy Analar keńesi músheleri, Nur-Sultan qalasynyń Qazaqstan halqy Assambleiasynyń etnomádeni birlestikteriniń ókilderi, qala kásipkerleri qatysty.
