Nur-Sultanda redaktorlar men iri BAQ-tardyń negizgi qyzmetkerlerine arnalǵan «Etnosaiasi saýattylyqty kóterý» taqyrybynda seminar bastaldy, dep habarlaidy "Ult aqparat".
Shara uiymdastyrýshysy – QR Aqparat jáne qoǵamdyq damý ministrligi Qoldanbaly etnosaiasi zertteýler institýty. Seminardyń maqsaty – búgingi kúni BAQ ókilderiniń Qazaqstandaǵy ultaralyq máselelerdi kóterý kezindegi etnosaiasi saýattylyǵyn kóterý. Sonymen qatar osy taqyrypqa mamandanǵan turaqty jýrnalister pýlyn qurý.
Plenarlyq jáne sektsiialyq otyrystar barysynda birqatar ózekti máselelerdi qarastyrý kózdelip otyr. Baiandamalar arasynda «Shielenistiń aqparattyq komponenti. Arazdyq tili. Qaqtyǵystyń deklarativti kezeńindegi normativtik emes etnonimder», «Shielenis jáne trigger. Qaqtyǵys kezeńderi. Qaqtyǵystan keiingi kezeń», «Ultaralyq qatynastardyń ekonomikalyq jáne demografiialyq ólshemi», «QR-da ultaralyq taqyrypty baiandaý barysynda etnosaiasi terminologiianyń qoldanylýynyń erekshelikteri».
Alǵashqy bolyp seminar qatysýshylarynyń aldynda QR Aqparat jáne qoǵamdyq damý ministri Aida Balaeva sóz sóileidi. Spikerler: «Qoldanbaly etnosaiai zertteýler institýty» JShS direktory Talǵat Qaliev, QR Aqparat jáne qoǵamdyq damý ministrligi Etnosaralyq qatynastardy damytý komitetiniń tóraǵasy Ǵalym Shoikin, «Taldaý jáne aqparat ortalyǵy» RMK direktory Mihail Komissarov.
