Elordada kóliginen qarý men oq-dári tabylǵan er adam ustaldy, dep habarlaidy "Ult aqparat" qalalyq PD baspasóz qyzmeti.
Politsiia qyzmetkerleri «Quqyqtyq tártip» jedel aldyn alý sharasy barysynda saǵat 22:05-te Barshyn kóshesinde aldyn ala berilgen jedel aqparat boiynsha 32 jastaǵy er adam tizgindegen «TOYOTA» markaly avtokóligin toqtatty.
Ustalǵan azamattyń kólikke qatysty quqyq belgileýshi qujattary joq ekeni anyqtaldy. Sonymen qatar ol birneshe ret qylmystyq jaýapkershilikke tartylǵan.
Kólikti tekserý barysynda úsh as úi jáne ańshylyq pyshaq, 32 mm kalibrli tegis uńǵyly qarý jáne onyń patrondary tárkilendi.
Atalǵan fakti boiynsha QR QK 287-baby («Qarýdy, oq-dárilerdi, jarylǵysh zattardy jáne jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý») negizinde qylmystyq is qozǵaldy. Tergeý amaldary júrgizilýde.
