Nur-Sultanda boryshker tólenbegen aiyppuldary úshin kóligin alýǵa kelgen jeke sot oryndaýshysyna baltamen shabýyl jasady. Bul týraly Nur-Sultan qalalyq JSO aimaqtyq palatasynda aityldy, - dep habarlaidy Tengrinews.kz tilshisi.
Oqiǵa 26 qazan kúni saǵat 8.45-te bolǵan. Uiymnyń málimetinshe, er adam bankke 196 545 teńge jáne 358 728 teńge kólemindegi 17 ákimshilik aiyppuldy tólemegen. Jeke sot oryndaýshylar palatasy boryshkerge qamaýǵa alý jáne shekteý sharalary kómektespegenin, sondyqtan VAZ-2115 avtokóligin tárkileý týraly sheshim qabyldanǵanyn aitty.
"Politsiia qyzmetkerleriniń qatysýymen avtokólikti alý kezinde boryshker ózin agressivti ustap, kólikti óz erkimen berýden úzildi-kesildi bas tartty. Osydan keiin ol úige kirip temir baltamen syrtqa shyǵyp, jeke sot oryndaýshy men politsiia qyzmetkerlerine shabýyl jasaǵan. Bul áreket videoǵa jazylyp qalǵan. Sol kezde politsiia qyzmetkerleri ony jeke basty qorǵaýǵa arnalǵan burysh sepkishiniń kómegimen ustap, politsiia bólimine jetkizdi", - dedi Nur-Sultan qalalyq JSO óńirlik palatasy basshysynyń orynbasary Mádina Janasaeva.
