Elordaǵa kirip-shyǵýǵa qoiylǵan shekteý sharalary áli de kúshinde qalady. Bul týraly Nur-Sultan qalasy ákiminiń orynbasary Baqtiiar Máken málim etti, dep habarlaidy "Ult aqparat".
«Nur-Sultan qalasyna kirýge qoiylǵan shekteý sharalary áli de kúshinde bolady. Elordaǵa tek qalanyń tirshiligi úshin mańyzdy nysandar men kásiporyndarda eńbek etetin adamdar kirgiziledi. Qazirgi tańda bizdiń qalalyq shtab Qaraǵandy jáne Pavlodar oblysynyń ákimdikterimen birge elordaǵa jaqyn aýdanda turatyn, biraq qaladaǵy karantin aýmaǵynda eńbek etetin azamattardyń tizimin jasap jatyr. Osy tizim blokpostaǵy «Sergek» júiesine engiziledi», - dedi Baqtiiar Máken OKQ-da ótken baspasóz máslihatynda.
Iaǵni Nur-Sultan qalasynda jumys isteitin azamattar aýdandyq ákimdiktegi bólimshege baryp, óziniń astanada eńbek etetinin rastaýy kerek.
«Biz osy tizimdi blokposttarǵa joldaimyz. Artynsha tizimdegi azamattar qalaǵa ońai kire alady», - dedi Baqtiiar Máken.
