Elordanyń bir sýburqaǵyn kútip ustaýǵa jylyna 38 mln teńge bólýdiń esh qajeti joq. Bul týraly búgin «Nur Otan» partiiasynyń Nur-Sultan qalalyq filialy tóraǵasynyń orynbasary Vladislav Sergeev aitty, dep habarlaidy QazAqparat tilshisi.
«Sýburqaqty tumshalaýǵa jáne qaita ashýǵa - 38 mln teńge. Biz ótken jyly ádemi imidjdik sýburqaqqa óte qomaqty qarjy bóldik. Biraq, jyl saiyn 38 mln teńge bóletin bolsaq, onda mundai sýburqaqtyń qajeti qansha?» - dedi ol Nur-Sultan qalalyq ákimdigi janyndaǵy qoǵamdyq keńes otyrysynda.
Aita keterligi, qoǵamdyq keńes otyrysynda Nur-Sultan qalalyq strategiialyq jáne biýdjettik josparlaý basqarmasy basshysynyń mindetin atqarýshy Aijan Túgelbaeva 2019 jylǵy qala biýdjeti týraly baiandap, bir sýburqaqty qysta tumshalap, jazda qaita ashqanǵa 38,6 mln teńge ashqa bólingenin aitqan edi.
