Nur-Sultanda azyq-túlik baǵasyn negizsiz kóterý faktileri anyqtalyp jatyr. Bul týraly Ortalyq kommýnikatsiialar qyzmetindegi brifingide Nur-Sultan qalalyq investitsiialar jáne kásipkerlikti damytý basqarmasynyń basshysy Erlan Bekmyrzaev aitty, dep habarlaidy "Ult aqparat".
«Áleýmettik mańyzy bar azyq-túlik túrleriniń iri saýda jelilerindegi, bazarlardaǵy baǵasyna kúndelikti monitoring júrgizilip jatyr. Qazirgi ýaqytta azyq-túlik baǵasyn negizsiz kóterýdiń kóptegen faktileri anyqtalýda. Barlyq aqparattar monopoliiaǵa qarsy organǵa zań buzýshylardyń ústinen qatań shara qabyldaný úshin jiberilýde», - dedi basqarma basshysy.
Onyń atap ótýinshe, áleýmettik mańyzy bar taýalarlardyń baǵasy kóterilmeýi tiis. Bul el Prezidentiniń tapsyrmasy.
«Sondyqtar barlyǵyn alańdamaýǵa shaqyramyn. Sebebi qajetti qor bar. Biz barlyq qoimalardy qarap shyqtyq, óńirlerdiń bárimen elordaǵa tikelei taýar jiberý jóninde ýaǵdalastyq. Azyq-túlik taýarlarynyń qalaǵa kirgizilýine esh kedergi bolmaidy», - dedi Erlan Bekmyrzaev.
