Elordalyq meditsinalyq uiymdarda 9 ai buryn koronavirýsqa qarsy vaktsina alǵan azamattardyń revaktsinatsiiasy bastaldy, dep habarlaidy "Ult aqparat" qala ákimdiginiń resmi saityna silteme jasap.
Osylaisha, búginnen bastap meditsinalyq qyzmetkerler, sanitarlyq-epidemiologiialyq qyzmet qyzmetkerleri men pedagogter qaita egiledi. Sondai-aq, bul tizimge meditsinalyq-áleýmettik mekemelerdiń qyzmetkerleri men kontingenti, kúsh qurylymdarynyń qyzmetkerleri kirdi.
«Búgin biz aqpan-naýryz ailarynda alǵashqy bolyp ekpe alǵan azamattardy revaktsinatsiialaýǵa kirisemiz. Sonymen qatar, 6 ai buryn QazVac jáne qytailyq Vero Cell preparatynyń dozasyn alǵan adamdar revaktsinatsiiaǵa jatady. Komponentter arasyndaǵy aralyqty saqtaý óte mańyzdy. Bizdiń vaktsinatsiia pýnkterinde bul protsedýra úshin jetkilikti mólsherde doza bar. Sonymen qatar, KVI - ǵa qarsy vaktsinamen revaktsinatsiia júrgizýge bolady», - dedi qalalyq Densaýlyq saqtaý basqarmasy basshysynyń orynbasary Áliia Rústemova.
Ol sondai-aq, qalada Pfizer preparatymen vaktsinatsiialaý jalǵasyp jatqanyn aitty. Pfizer vaktsinatsiiasy bastalǵannan beri bir apta ishinde elordada júkti áielder, 12-18 jas aralyǵyndaǵy balalar men bala emizetin analar qatarynan 3 600-den astam qala turǵyny egildi.
Nur-Sultan qalasy boiynsha 1 komponentpen vaktsinatsiialanǵandar sany 465 myń adamdy qurady, ekinshi komponentti 427 myńnan astam azamat aldy.
