Elordada «Aýyl» Halyqtyq-demokratiialyq patriottyq partiiasynyń XVI esep berý-sailaý Sezi bastaldy, dep habarlaidy QazAqparat tilshisi.
«Aýyl» Halyqtyq-demokratiialyq patriottyq partiiasynyń qaita qurylǵanyna 4 jyl ótti . Bul bizdiń partiiamyz úshin taǵdyrsheshti kezeń boldy. Bázbireýler saiasi arenadaǵy alǵashqy qadamymyzǵa kúmánmen qarady. «Aýyl» partiiasynyń bolashaǵyna senbegender de boldy. Alaida bizdiń partiiamyz sózimen ǵana emes, isimen de óziniń saiasi áleýetin, erik-jigerin tanyta bildi. Eń bastysy biz ózimizdiń qoǵamǵa asa qajetti saiasi qurylym ekenimizdi dáleldik. Árine, munda «Aýyl» partiiasynyń árbir múshesiniń úlesi bar ekenin maqtanyshpen aita alamyz», - dedi partiia tóraǵasy Áli Bektaev sezdiń ashylýynda.
Jiynǵa QR Aýyl sharýashylyǵy, QR Ulttyq ekonomika, QR Bilim jáne ǵylym, QR Eńbek jáne halyqty áleýmettik qoldaý, QR Mádeniet jáne sport jáne QR Ekologiia, geologiia jáne tabiǵi resýrstar ministrleri jáne vitse-ministrleri keldi.
Sezd baǵdarlamasynda «Aýyl» HDPP Saiasi keńesiniń 2015-2019 jyldary atqarǵan jumystarynyń esebi boiynsha baiandama oqylady. Onda partiianyń baǵdarlamalyq maqsattaryn oryndaýdaǵy qyzmeti, atqarǵan jumystary týraly egjei-tegjeili aqparat usynylady, partiianyń óńirlik filialdarynyń jergilikti jerlerdegi agroónerkásiptik keshen, áleýmettik sala, ǵylym jáne óndiris máseleleri boiynsha jumystary qyzý talqylanatyn bolady.
Sezd delegattary partiianyń birneshe jańa bastamalaryn talqylaidy dep josparlanǵan.
Sezd jumysy aiasynda partiianyń Tóraǵasy sailanyp, Saiasi keńestiń jańa quramy bekitiledi jáne partiia Jarǵysyna ózgertýler men tolyqtyrýlar engiziledi.
Aita keteiik, «Aýyl» Halyqtyq-demokratiialyq patriottyq partiiasy osydan tórt jyl buryn Qazaqstan sotsial-demokratiialyq partiiasy men Qazaqstan patriottar partiiasynyń biriktirilýi nátijesinde quryldy. Qazirgi tańda elimizdiń 14 oblysy jáne respýblikalyq mańyzy bar Nur-Sultan, Almaty Shymkent syndy 3 qalasynda saiasi uiymnyń 17 filialy jumys isteidi. Budan bólek 188 qalalyq jáne aýdandyq partiia uiymdarynda 500 bastaýysh partiia uiymdary bar. Partiianyń mindeti: fermerler men aýyl eńbekkerleriniń, barsha qazaqstandyqtardyń múddelerin bildirý.
Sońǵy aqparat boiynsha partiianyń 298 myńnan astam múshesi bar. Partiia jaqtastarynyń qatary kúnnen kúnge artyp keledi. Sońǵy jyldary partiiaǵa 43 myńnan astam adam múshelikke ótti.
