Nur-Sultan qalasynda 10 dezinfektsiialyq keshen ornatylatyn bolady, dep habarlaidy "Ult aqparat" qala ákimdigine silteme jasap.
Qala ákimdiginiń bastamasymen №3 kópbeiindi balalar aýrýhanasynda qaladaǵy alǵashqy dezinfektsiialyq keshen paida boldy. Budan bylai dárigerler men meditsina qyzmetkerleri jumysqa kiriserden buryn osy tonnel arqyly ótedi.
«Qondyrǵy bý generatorlarynyń kómegimen jumys isteidi. Dezinfektsiialaý suiyqtyǵynan bý shyǵaratyn arnaiy motor bar. Bul keshen arqyly ótý kiim qyrtysyndaǵy qaýipti patogenderdi joiýǵa múmkindik beredi. Qondyrǵyny meditsina qyzmetkerleri kúnine eki ret – jumysqa kirgende jáne aýysym aiaqtalǵan soń paidalanady. Naýqastarda osy keshen arqyly óte alady», – deidi Nur-Sultan qalalyq №3 kópbeiindi qalalyq balalar aýrýhanasynyń direktory Iran Shametekov.
Sonymen qatar, taiaýda basqa meditsina mekemelerinde jáne adam kóp jinalatyn oryndarda osyndai dezinfektsiialyq tonnel ornatylady.
