Elordanyń 91 jastaǵy turǵyny Irina Hlebnikova maýsym aiynyń basynda «koronavirýs» diagnozymen №3 kópbeiindi qalalyq aýrýhanaǵa shuǵyl jatqyzylǵan bolatyn.
Uzaq emdelip, qalpyna kelgen soń ájei aiaǵynan turyp, úiine qaitty, dep habarlaidy qala ákimdiginiń resmi saity.
Irina Hlebnikovanyń týystary 8 maýsym kúni moiyn aýrýyna bailanysty ýchaskelik dárigerdi shaqyrǵan edi. Aldymen olar ájeidiń osteohondrozy bar dep oilaǵan. Biraq kóp uzamai bezgegi ustap, jótel qysyp, artynsha býyndary aýyrǵan.
Jedel járdem brigadasy koronavirýsqa taldaý jasap, ol oń nátije kórsetken. Osydan keiin Irina Hlebnikova shuǵyl túrde №3 kópbeiindi qalalyq aýrýhanaǵa jatqyzyldy.
«Aýrýhanada alynǵan analiz nátijesi óte nashar boldy. Men ózim reanimatolog retinde ájemniń aǵzasynda qandai ózgerister bolyp jatqanyn túsindim. Ájem aýrýhanada uzaq ýaqyt boiy ottegi arqyly emdeldi. Egde jasyna bailanysty sozylmaly aýrýlary da boldy», - deidi naýqastyń nemeresi Inessa Hlebnikova.
Jalpy hirýrgiia bóliminiń dárigeri Vitalii Kalinniń aitýynsha, statsionar dárigerleri egde jastaǵy naýqasty emdeý úshin qoldan kelgenniń bárin istegen.
«Emdeý jolyn belgileý úshin túrli sala mamandary jumyldyryldy. Birlesken kúsh-jigerimizdiń arqasynda maqsatymyzǵa jettik. Ájei tiri, deni saý, qazir úiinde», — dep atap ótti dáriger.
Óz kezeginde áje brigadanyń feldsherlerinen bastap aýrýhana ákimshiligine deiin atsalysqandardyń bárine alǵysyn bildirdi.
Aita ketý kerek, statsionar dárigerleri qala turǵyndaryn jappai vaktsinatsiiaǵa qatysýǵa shaqyrady. Bul KVI-den qorǵanýdyń jalǵyz jáne tiimdi ádisi.
