Nur-Sultan politsiiasy bes jyl burynǵy adam ólimine qatysty kúdikti ustalǵanyn habarlady, - dep habarlaidy Tengrinews.kz.
"Kókshetaý qalasynda arnaiy operatsiia barysynda kisi óltirdi degen kúdikpen 27 jastaǵy azamat ustaldy. Kúdikti 2017 jyldyń tamyzynda bazarlardyń biriniń mańynda jekemenshik Daewoo Nexia taksiin Lesozavod aýdanyna (Nur-Sultan qalasyndaǵy turǵyn alaby - esk.) jaldaǵan.
Kórsetilgen jerge jetkende júrgizýshi men jolaýshy jol aqysyna kelispei qalǵan. Taksi júrgizýshisi jol aqysyn myń teńgege baǵalaǵan. Kikiljiń kezinde jolaýshy pyshaǵyn alyp, júrgizýshige 17 ret suqqan. Ol sol jerde qaza boldy. Kisi óltirgennen keiin qylmysker izin jasyrmaq bolyp, kólikte qalǵan saýsaq izderin muqiiat súrtken", - dedi qalalyq Politsiia departamentiniń baspasóz qyzmeti ókilderi.
Tártip saqshylarynyń aitýynsha, kúdikti qylmys ornynan boi tasalap, birneshe kúnnen keiin kórshiles respýblikalardyń birine ketken.
