نۇر-سۇلتان پوليتسيياسى بەس جىل بۇرىنعى ادام ٶلٸمٸنە قاتىستى كٷدٸكتٸ ۇستالعانىن حابارلادى, - دەپ حابارلايدى Tengrinews.kz.
"كٶكشەتاۋ قالاسىندا ارنايى وپەراتسييا بارىسىندا كٸسٸ ٶلتٸردٸ دەگەن كٷدٸكپەن 27 جاستاعى ازامات ۇستالدى. كٷدٸكتٸ 2017 جىلدىڭ تامىزىندا بازارلاردىڭ بٸرٸنٸڭ ماڭىندا جەكەمەنشٸك Daewoo Nexia تاكسيٸن لەسوزاۆود اۋدانىنا (نۇر-سۇلتان قالاسىنداعى تۇرعىن الابى - ەسك.) جالداعان.
كٶرسەتٸلگەن جەرگە جەتكەندە جٷرگٸزۋشٸ مەن جولاۋشى جول اقىسىنا كەلٸسپەي قالعان. تاكسي جٷرگٸزۋشٸسٸ جول اقىسىن مىڭ تەڭگەگە باعالاعان. كيكٸلجٸڭ كەزٸندە جولاۋشى پىشاعىن الىپ, جٷرگٸزۋشٸگە 17 رەت سۇققان. ول سول جەردە قازا بولدى. كٸسٸ ٶلتٸرگەننەن كەيٸن قىلمىسكەر ٸزٸن جاسىرماق بولىپ, كٶلٸكتە قالعان ساۋساق ٸزدەرٸن مۇقييات سٷرتكەن", - دەدٸ قالالىق پوليتسييا دەپارتامەنتٸنٸڭ باسپاسٶز قىزمەتٸ ٶكٸلدەرٸ.
تەرتٸپ ساقشىلارىنىڭ ايتۋىنشا, كٷدٸكتٸ قىلمىس ورنىنان بوي تاسالاپ, بٸرنەشە كٷننەن كەيٸن كٶرشٸلەس رەسپۋبليكالاردىڭ بٸرٸنە كەتكەن.
