Nur-Sultan qalasynyń Áleýmettik meditsinalyq saqtandyrý qoryna 23 mlrd teńge jinaldy, dep habarlaidy "Ult aqparat" «Habar 24» telearnasyna silteme jasap.
Mindetti saqtandyrýdy engizý máseleleri elordada ótken óńirlik shtab otyrysynda talqylandy. Bas qala bul kórsetkish boiynsha Almatydan keiin ekinshi orynda tur. Dese de, bul máselede áli de sheshimin tappaǵan suraqtar jeterlik. Atap aitqanda, aqparattyq-túsindirý jumystary aqsap tur. Qala turǵyndarynyń deni bul júieden habarsyz. Endi osy máseleni jáne ózin-ózi eńbekpen qamtyǵan azamattardyń qorǵa jarna tóleýin jyl sońyna deiin retteý qajet.
«Búginde qolda bar statistika kóńil kónshitpeidi. Qazirgi ýaqytta 45 462 azamattyń áleýmettik mártebesi anyqtalmaǵan. Biz ár aýlany aralap, halyq arasynda saýalnama júrgizdik. Sol kezde 10 768 adam ózderiniń jeke málimetterin berýden bas tartty. Endi Eńbek jáne halyqty áleýmettik qorǵaý ministrligi bul kisilerdi astanalyqtar qatarynan alyp tastaýy múmkin», - dedi Nur-Sultan qalasy Jumyspen qamtý jáne áleýmettik qorǵaý basqarmasy basshysynyń orynbasary Baqtiiar Ǵarifýllin.
