Jas jigit bir tún ishinde turǵyn úilerdiń aýlasynan eki kólik urlaǵan, dep habarlaidy "Ult aqparat" Nur-Sultan qalasynyń Politsiia departamentiniń baspasóz qyzmetine silteme jasap.
Kúdikti aldymen Mustafin kóshesinde VAZ-2114 avtokóligin buzyp kirip, aidap ketken. Birneshe metr júrgesin, jas jigit oiyn ózgertken. Sol boida kóligin tastap, ketip qalǵan. Jol-jónekei «Toiota Karina» markaly avtokóligine kózi túsken. Urlanǵan kólikpen azdap qydyrǵasyn jigit ony saiabaqta qaldyrǵan.
Politsiia qyzmetkerleri izin sýytpai 18 jastaǵy qala turǵynyn ustady. Ustalǵan azamattyń aitýynsha, avtokólikti urlaý tásilderin ol internet jelisinen úirengen, sóitip alǵan «bilimin» is júzinde paidalanyp kórgisi kelgen.
Jas jigitke qatysty avtokólikti urlaý maqsatynsyz zańsyz ielený faktisi boiynsha tergeý júrgizilýde. Avtokólikter ielerine qaitaryldy.
Nur-Sultan qalasynyń politsiia departamenti azamattardy kólikti qoiǵanda saq bolýǵa, esik-terezeleriniń jabylǵanyn tekserý kerektigin eskertedi.
«Kóligińizdi aidap áketýden saqtaý jáne onyń qaýipsizdigin qamtamasyz etý úshin politsiia qyzmetkerleri avtokólik ielerine mashinalardy kúzetiletin turaqtarǵa qoiýdy jáne dabyl júiesin ornatýdy usynady. Eger sizge qatysty zańsyz áreketter jasalsa, dereý 102 nómiri boiynsha habarlańyz»,-delingen habarlamada.
