Almaty oblysynda "bank qyzmetkerimin" dep, jurttyń atyna nesie rásimdegen kelinshek ustaldy. Bir aidan asa izdeýde bolǵan ony politsiia qyzmetkerleri Nur-Sultan qalasynan tapty, - dep habarlaidy Tengrinews.kz agenttigi KTK telearnasyna silteme jasap.
Telearna málimetinshe, Uzynaǵash aýylynyń 24 jastaǵy turǵyny halyqty kepildegi turmystyq tehnika men áshekei buiymdardy tanystary arqyly aqshalai shyǵaryp beremin dep sendirgen. Alaida ne aqsha, ne taýardy kórmegender bankterge belshesinen qaryzǵa batqan. Osylaisha, qos-qostan qaryzy barlar endi paidalanbaǵan nesieni tóleýge májbúr.
Kúdikti barlyǵyn moiyndady. Oǵan jeti jylǵa deiin shekteý nemese bas bostandyǵynan aiyrý qaýpi tónip tur. Qazir tergeýshiler alaiaqtyń sybailastary bar-joǵyn anyqtap jatyr.
"Qazirgi tańda aldanǵan 97 adam tirkeldi. Olarǵa keltirilgen shyǵyn kólemi 100 millionnan asady. Qylmystyq is tirkelgennen keiin kúdikti quzyrly organdardyń qýdalaýynan qashqany úshin izdeýge jariialandy. 28 tamyzda Nur-Sultan qalasynda júrgizilgen jedel is-sharalar barysynda kúdikti ustaldy, qazir ol qamaýǵa alyndy", - dedi Jambyl aýdandyq politsiia basqarmasy bastyǵynyń jedel-izdestirý jumystary jónindegi orynbasary Jarqyn Esjanov.
