Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qisyqova elordadaǵy PTR test qory týraly pikir bildirdi, dep habarlaidy "Ult aqparat".
«Qalalyq densaýlyq saqtaý basqarmasy kún saiyn qaladaǵy zerthanalarda júrgizilgen testileý sany men qansha test qalǵanyna monitoring júrgizedi. Qazirgi aqparatqa sáikes, aldaǵy 10-15 kúnge jeterlik test bar. Odan keiingi testterdi satyp alý jumystaryn zerthanalar júrgizedi. Munyń barlyǵy baqylaýda», - dedi basqarma basshysy Ortalyq kommýnikatsiialar qyzmetinde ótken onlain brifingte.
Onyń aitýynsha, kún saiyn elordada 4,5 myńǵa jýyq adam test tapsyrady jáne ózge meditsinalyq uiymdardy qaita jabdyqtaý arqyly tósek-oryn sany da qamtamasyz etiledi.
Buǵan deiin spiker elordada jedel járdem bazasyndaǵy koll-ortalyqqa júginýshiler sany kúrt óskenin habarlaǵan edi.
Sonymen birge, Nur-Sultanda koronavirýs infektsiiasyn juqtyrǵandar sany úsh ese artty, 50 naýqas jasandy ókpe jeldetý apparatyna qosylǵan.
